Madaxweyne Biixi Oo Addis Ababa Ku Tagaya Martiqaad Rasmi Ah Oo Uu Ka Helay Raysalwasaaraha Itoobiya

Hargeysa(warda)-Madaxweynaha JSL Muuse Biixi Cabdi, ayaa la filayaa inuu maanta socdaal shaqo oo rasmi ah ku tago caasimadda Itoobiya ee Addis Ababa.
Ma jiro war rasmi ahi oo ay madaxtooyadu ku xaqiijisay socdaalka Madaxweynaha iyo weliba ujeedadiisa, laakiin wararka ayaa sheegaya in Madaxweyne Biixi uu Itoobiya ku tagayo martiqaad rasmi ah oo uu ka helay raysalwasaaraha Itoobiya Dr. Abiy Axmed.
Waxa la filayaa in Madaxweyne Biixi iyo Raysalwasaaruhu ay ku kulmaan magaalada Addis Ababa khamiista beri, iyagoo ka wada hadli doona danaha Somaliland iyo Itoobiya. Wuxuu kulankani noqonayaa markii u horaysay ee ay kulmaan Madaxweynaha Somaliland iyo Raysalwasaaraha Itoobiya.
Madaxweyne Biixi waxa socdaalkiisa ku wehelin doona Wasiirada khaarajiga Yaasiin Faratoon, maaliyadda Dr. Sacad Cali Shire, ganacsiga iyo wershadaha Maxamed Xasan Sacad iyo taliyaha ciidanka qaranka sareeye Gaas Nuux Ismaaciil Taani.
Tan iyo markii Madaxweyne Biixi talada Somaliland loo dhaariyay December 2017 waa socdaalkii labaad ee uu ku tago Addis Ababa, isagoo socdaalkaas u horeeyay la kulmay Raysalwasaarihii hore ee is casilay ee Itoobiya Hailemariam Desalegn, waxaanu socdaalkiisan oo ah kii labaad uu noqonayaa markii u horaysay ee uu la kulmo Raysalwasaarahan isbedelada badan sameeyay Dr. Abiy Axmed.

Comments

Post a Comment

Popular posts from this blog

Sidee Nolosha Loogu Guulaystaa?

Aqoon yahan lagu magacaabo Dr. Richard ayaa yidhi “ Maalin aniga oo dayuurad fuushan, waxa dhinacayga fadhiday gabadh yar oo dhigta dugisiga sare, kana soo jeeda qoys sabool ah, waxay aad u jeclayd inay dhibka nolosha qoyskooda wax ka bedesho, waxay iweydiisay sidee guul lagu gaadhaa? Markaas ayaan dareemay xanuun badan, waayo awood umaan lahayn inaan siiyo jawaab sax ah oo dhamaystiran oo faahfaahsan. Waxaan go’aansaday markaan dayuuradda ka dego inaan raadiyo dad gaadhay guul iyo horumar oo aan su’aashaasi weydiiyo!  Muddo 7 sano ka dib oo aan 500 oo waraysi ka qaaday dad guul gaadhay  waxa ii soo baxay in guul lagu gaadho: Adigoo la yimaadda niyad sare si aad higsigaaga u gaadho. Dadka raba inay guulaystan uma shaqaystaan inay helaan lacag keliya waxay u sheqeeyaan iyagoo ku raaxaysta oo macaansada shaqada. Dadka u adeeg  oo u qabo wax qiimo leh , taasi waa jidka ugu gaaban ee guul lagu gadho,   Keligii noole ama dantii raadiye meel dheer  ma gaadho. Qofka k...
Read more

Horamarku Waa Midhaha Dadaalka

Image
Dadka Hamiga sare leh waa kuwo tiro yar oo kooban kuwaasi ayaana dunida wax ka bedela. Thomas Adison oo ahaa ninkii soo saaray laambada laydhka wuxuu ahaa yaraantiisii wiil yar oo su’aalo badan. Thomas markii lagu daray dugsiga nasiib daro mudo badan kuma sii jirin dugsiga, Wax kasta oo loo dhigo wuu iloobi jiray sidaa daraadeed wuxuu ahaa ardayga ugu danbeeya fasalka. Macalimiinta ayaa ka quustay waxaana ay ka soo qaadeen inuu yahay qof  yar oo aan maskax ahaan dhamayn. Ardayda iyo macalimiintuba waxay u arkayeen saaqid.   Markii danbena maamulka dugsiga ayaa ka eryay dugsiga ka dib markii ay ku eedeeyen inu yahay mid caqli gaab ah oo u baahan dugsiyada dadka naafada caqliga qaba. Waxa uu u tegay hooyadii isagoo ooyaya. dadaalka ugu badan hooyadii ayaa u gashay oo wax bartay markii ay akhriday warqadii loo soo dhiibay. Markii uu toban sano gaadhay aabihii ayaa u keenay Buug cilmiga sayniska ah oo wagaasi la dhigan jiray. Waxaana u arkay guul madaama aqoontii sayni...
Read more

Maskii Hadyadda Siyaasadda Loo Bixiyay!

Image
Noocyada hadiyadaha madaxdu isu gudbiso ayaa qaarkood yaab leyihiin, hadyadu waxay wadataa farxad laakiin haddii lagu soo hordhigo xayawaan nool oo aanad hore u arag waxa kugu dhacaya naxdin bilowga hore, inkasta oo ay xiiso leedahay. Sanadkii 1986 Madaxweynihii hore ee Maraykanka  Ronald Reagn ayaa booqasho ku tegay dalka Indonesiya gaar ahaan jasiiradda Baali, halkaasi oo uu wakhtigaasi degenaa madaxweynihi dalkaasi Soharto, waxaana uu halkaasi ku gudoonsiiyay hadyad ahayd xayawaanka ay u yaqaaniin Kodomo oo ah Mascagalay (Abeeso-lugalay), oo aan Maraykanka laga helin.  Waa xayawaan sida mascagalayda noocyadeeda ka mid ah, inkasta oo muuqaalkoodu isu wada dhow yihiin. Waxaana xayawaankaasi  lagu meeleeyay beerta qaranka ee ku taal Washington, DC, ee dalka Mareykanka. Dawladda Indonsiiya ayaa haddana mar kale sannadkii 1990, hadiyad taasi la mid  u dirtay madaxweyne xiligaasi George W. Bush, sababta ayaa ahayd in xayawaankan si weyn looga tixgeliyo dalka In...
Read more