Qisadii cajiibka ahayd ee maansada nuuxnuuxsi ee (Xasan Ganey)

Waxa uu yidhi ruug cadaagii mu-alifkii abwaankii weynaa ee XASAN X. CABILLAHI XASAN GENAY.
“Anigoo Heeganka ku qoran xarunta ciidanka ee MIISKA SARAAKIISHA ee magaalada Hargeysa ayaa waxa xeradii soo gashay gabadh waxana ay la istaagtay nin ka mida ciidanka meesha ku sugnaa oo ay wada hadal bilaabeen iyagoo hadal kii wada ayaa uu ninkii mar kaliya bahal dhibaxo ah kaga soo gooyey inantii mise haddana ku dhuftay mid kale qof walbaaba yaab la joojiyey wixii uu gacanta ku hayey, sarkaal aan meesha ka fogeyn ayaa kusoo dhaqaaqay oo askarigii dhibaaxo ku bilaabay.
Intaa ka dib inantii oo ooyaysa ayaa ninkii isku duubtay oo tidhi “Alla walaal ka daa tiisu waxba ima yeelaysee”.
Wuxuu yidhi XASAN Ganey “aadbaan ula yaabay arinkaa gabadha iyo askariga dhexmartay iyo inta uu leegyahay iyo halka uu ninku ka joogo maadaama uu dhibaaxo la dhacay meel la wadda arkaayo iyadoo gabadh soomaaliyeeda iyo sida ay iyadu boholyowga , kalgacalkeedu yahay iyadoo uu u quudhay inuu ku dhirbaaxo dad hortii ku dhufto haddana iyadu way ka xanuunsatay oo ay ka damqatay dhirbaaxada isaga la gu dhuftay”.
Taasina waxay abwaanka isla goobtii kusoo dedejisay maankiisii miida malabka suugaantu kasoo dhibiq-tifi jirtey maansada nuuxnuuxsi oo ka hadlaysa qofka wax jeceli inuu marwalba daranyahay haduu ka kale necebyahay xataa.
Qofkaasina aanu nacas ahayn lkn uu la darsey wax awoodiisa ka weyn oo aanu xukumi karin oo ah boholyow caashaqa oo wax aanu qofku iska yeelyeelin.
Nafta jecel qofkii neceb
Nolosheeda kama talin
Ogow nacasna maahee
Halka uu naxligu galo
Hadduu nabarka caashaqu
Ku nagaado oo dego
Nudaygana uu ka hantiyo
Niyaddaa mid kaliyoo
Ma taqaan noqnoqoshee
Anna adoo nitaakh iyo
Nuuxnuuxsi mooyee
Iga jaray naruurada
Waxaan kuugu nabanahay
Qalbigaad nuglaysiyo
Wadnahaa i naafo ah
Nafta jecel qofkow nixin
Naaneys xumaantiyo
Neef diidka aragtaye
Waxay nabadda ula tahay
Kol hadday ku noogaan
Kuwa xumaha naadshaa
Xiskuna kaa nayaayiro
Niyaddaa mid kaliyoo
Ma taqaan noqnoqoshee
Anna adoo nitaakh iyo
Nuuxnuuxsi mooyee
Iga jaray naruurada
Waxaan kuugu nabanahay
Qalbigaad nuglaysiyo
Wadnahaa i naafo ah

Comments

Post a Comment

Popular posts from this blog

Sidee Nolosha Loogu Guulaystaa?

Aqoon yahan lagu magacaabo Dr. Richard ayaa yidhi “ Maalin aniga oo dayuurad fuushan, waxa dhinacayga fadhiday gabadh yar oo dhigta dugisiga sare, kana soo jeeda qoys sabool ah, waxay aad u jeclayd inay dhibka nolosha qoyskooda wax ka bedesho, waxay iweydiisay sidee guul lagu gaadhaa? Markaas ayaan dareemay xanuun badan, waayo awood umaan lahayn inaan siiyo jawaab sax ah oo dhamaystiran oo faahfaahsan. Waxaan go’aansaday markaan dayuuradda ka dego inaan raadiyo dad gaadhay guul iyo horumar oo aan su’aashaasi weydiiyo!  Muddo 7 sano ka dib oo aan 500 oo waraysi ka qaaday dad guul gaadhay  waxa ii soo baxay in guul lagu gaadho: Adigoo la yimaadda niyad sare si aad higsigaaga u gaadho. Dadka raba inay guulaystan uma shaqaystaan inay helaan lacag keliya waxay u sheqeeyaan iyagoo ku raaxaysta oo macaansada shaqada. Dadka u adeeg  oo u qabo wax qiimo leh , taasi waa jidka ugu gaaban ee guul lagu gadho,   Keligii noole ama dantii raadiye meel dheer  ma gaadho. Qofka k...
Read more

Horamarku Waa Midhaha Dadaalka

Image
Dadka Hamiga sare leh waa kuwo tiro yar oo kooban kuwaasi ayaana dunida wax ka bedela. Thomas Adison oo ahaa ninkii soo saaray laambada laydhka wuxuu ahaa yaraantiisii wiil yar oo su’aalo badan. Thomas markii lagu daray dugsiga nasiib daro mudo badan kuma sii jirin dugsiga, Wax kasta oo loo dhigo wuu iloobi jiray sidaa daraadeed wuxuu ahaa ardayga ugu danbeeya fasalka. Macalimiinta ayaa ka quustay waxaana ay ka soo qaadeen inuu yahay qof  yar oo aan maskax ahaan dhamayn. Ardayda iyo macalimiintuba waxay u arkayeen saaqid.   Markii danbena maamulka dugsiga ayaa ka eryay dugsiga ka dib markii ay ku eedeeyen inu yahay mid caqli gaab ah oo u baahan dugsiyada dadka naafada caqliga qaba. Waxa uu u tegay hooyadii isagoo ooyaya. dadaalka ugu badan hooyadii ayaa u gashay oo wax bartay markii ay akhriday warqadii loo soo dhiibay. Markii uu toban sano gaadhay aabihii ayaa u keenay Buug cilmiga sayniska ah oo wagaasi la dhigan jiray. Waxaana u arkay guul madaama aqoontii sayni...
Read more

Maskii Hadyadda Siyaasadda Loo Bixiyay!

Image
Noocyada hadiyadaha madaxdu isu gudbiso ayaa qaarkood yaab leyihiin, hadyadu waxay wadataa farxad laakiin haddii lagu soo hordhigo xayawaan nool oo aanad hore u arag waxa kugu dhacaya naxdin bilowga hore, inkasta oo ay xiiso leedahay. Sanadkii 1986 Madaxweynihii hore ee Maraykanka  Ronald Reagn ayaa booqasho ku tegay dalka Indonesiya gaar ahaan jasiiradda Baali, halkaasi oo uu wakhtigaasi degenaa madaxweynihi dalkaasi Soharto, waxaana uu halkaasi ku gudoonsiiyay hadyad ahayd xayawaanka ay u yaqaaniin Kodomo oo ah Mascagalay (Abeeso-lugalay), oo aan Maraykanka laga helin.  Waa xayawaan sida mascagalayda noocyadeeda ka mid ah, inkasta oo muuqaalkoodu isu wada dhow yihiin. Waxaana xayawaankaasi  lagu meeleeyay beerta qaranka ee ku taal Washington, DC, ee dalka Mareykanka. Dawladda Indonsiiya ayaa haddana mar kale sannadkii 1990, hadiyad taasi la mid  u dirtay madaxweyne xiligaasi George W. Bush, sababta ayaa ahayd in xayawaankan si weyn looga tixgeliyo dalka In...
Read more